Këngëtarja shqiptare me famë botërore, Rita Ora, ka rrëfyer një episod të pazakontë nga fillimet e karrierës së saj gjatë një interviste për BBC Radio 2. Artistja pranoi me humor se motra e saj, Elena, e ka ndihmuar duke dhënë disa intervista në telefon në vend të saj, për shkak të ritmit të ngarkuar të angazhimeve.
“Po, është e vërtetë. Elena i njeh mirë detajet për mua, kështu që i thoja: ‘Bëje një telefonatë për Zelandën e Re, unë po flas për Australinë!’ Dhe ajo thoshte: ‘Përshëndetje, jam Rita Ora!’”, tregoi këngëtarja, duke qeshur.
Rita shtoi se disa radio ndoshta as nuk kuptuan se po flisnin me motrën e saj, duke treguar lidhjen e ngushtë dhe dinamizmin që i dha karrierës së saj në vitet e para.
About The Author
