Zv/kryeministrja dhe ministrja e Infrastrukturës dhe Energjisë, Belinda Balluku, prezantoi rregullat e reja që do të vlejnë për qytetarët jo të BE-së me hyrjen në fuqi më 12 tetor të sistemit elektronik të regjistrimit të hyrjeve dhe daljeve (EES) në zonën Shengen.
Sistemi funksionon përmes regjistrimit të të dhënave biometrike – foto dhe gjurmë gishta – dhe të dhënat do të jenë të vlefshme për 3 vjet. Qytetarët duhet të respektojnë rregullin 90/180 ditë, që lejon qëndrimin maksimal 90 ditë brenda një periudhe 180-ditore.
Mbledhja e të dhënave do të nisë gradualisht në pikëkalimet kufitare nga 12 tetori 2025, ndërsa zbatimi i plotë pritet të përfundojë deri më 10 prill 2026.
Sistemi EES mbledh të dhëna personale si emri, datëlindja, shtetësia, gjinia, dokumenti i udhëtimit, imazhi i fytyrës dhe gjurmët e gishtave. Ai regjistron gjithashtu datën dhe vendin e hyrjeve dhe daljeve, si dhe refuzimet e hyrjes. Punonjësit e policisë së kufirit do të ndihmojnë dhe mbikëqyrin procesin.
About The Author
