Barcelona zhytet më thellë në krizë: 159 milionë euro borxh në bilancin e fundit financiar
Barcelona, një nga klubet më të mëdha të futbollit në botë, vazhdon të përballet me probleme të mëdha ekonomike. Sipas të dhënave të publikuara në Asamblenë e Anëtarëve, gjigantët e La Liga-s kanë raportuar një borxh të akumuluar prej 159 milionë eurosh, duke treguar se kriza financiare që ka goditur klubin gjatë viteve të fundit ende nuk po tregon shenja përmirësimi.
Rezultatet financiare të prezantuara para anëtarëve zbulojnë se, pavarësisht përpjekjeve për stabilizim – përfshirë uljen e shpenzimeve dhe rritjen e të ardhurave nga sponsorët – situata mbetet e brishtë.
Borxhi i madh i klubit katalanas vjen pas disa vitesh me menaxhim të vështirë financiar, investime të mëdha në transferime dhe pasoja të pandemisë, që ndikuan ndjeshëm të ardhurat nga biletat dhe marketingu.
Drejtuesit e klubit kanë premtuar se do të vazhdojnë reformat për të kthyer stabilitetin ekonomik, por rruga drejt ekuilibrit financiar duket ende e gjatë.
About The Author
