Zbulohen fragmente kockash në Shpellën e Kopiles në Leskovik, dyshohet se janë njerëzore
Fragmente kockash që dyshohet se janë njerëzore janë zbuluar në Shpellën e Kopiles, në zonën e liqenit termik të Leskovikut. Kockat janë konstatuar brenda liqenit termik, i cili u zbulua disa muaj më parë nga një grup studiuesish çekë.
Zbulimi është bërë mbrëmjen e djeshme gjatë një ekspedite nga disa qytetarë shqiptarë, raporton gazetarja Daniela Zisi për Klan News. Pas sinjalizimit, në vendngjarje kanë mbërritur forcat e policisë së Kolonjës, të cilat kanë ngritur një grup hetimor për të sqaruar rrethanat.
Policia ka siguruar zonën dhe, në bashkëpunim me Prokurorinë e Korçës, po vijon hetimet për të përcaktuar origjinën e mbetjeve kockore dhe nëse ato i përkasin një ose më shumë personave.
Hetimet pritet të përfshijnë edhe ekspertë mjeko-ligjorë për analizën e fragmenteve, ndërsa autoritetet nuk kanë dhënë ende detaje shtesë mbi gjetjen.
About The Author
