Vrasja e gjyqtarit, Berisha: Reforma në drejtësi ka dështuar
Kreu i Partisë Demokratike, Sali Berisha, komentoi ngjarjen tragjike të vrasjes së gjyqtarit Astrit Kalaja gjatë seancës në sallën e gjyqit, duke theksuar se kjo ngjarje “dëshmon shkallën ekstreme të pasigurisë në vend”.
Ai akuzoi procesin e reformës në drejtësi, duke thënë se “ka dështuar plotësisht reforma, për shkak të George Soros dhe sorosianëve të tjerë”.
Sipas Berishës, “ekzekutimi në sallën e gjyqit i gjykatësit Kalaja është tregues i një krimi shtetëror” dhe nënvizoi se “shteti është zëvendësuar me narko-shtetin”.
Berisha shtoi se “reforma në drejtësi ka zgjatur gjyqet”, ndërsa “dosjet e gjyqtarëve sot janë objekt i zhdukjes, njësoj si në kohën e diktaturës”. Ai përfundoi deklaratën, duke theksuar se “kurrë drejtësia jonë nuk ka qenë në gjendje dramatike siç është sot”.
Dje, më 6 tetor u ekzekutua në sallën e gjyqit Astrit Kalaja. Ai u vra nga një 30-vjeçar, për shkak të çështjes së një prone.
About The Author
