Tragjedi në Stamboll: Shkuan për turizëm, humbin jetën nga helmimi nëna dhe dy fëmijët
Një ngjarje e rëndë ka ndodhur në Stamboll, ku tre anëtarë të një familjeje turke me banim në Gjermani kanë humbur jetën pas një helmimi të dyshuar me pesticide. Familja, që ishte me pushime në zonën turistike të Ortakoy-t, u sëmur pasi konsumoi ushqim rruge.
Dy fëmijët, 3 dhe 6 vjeç, vdiqën të enjten, ndërsa e ëma humbi jetën një ditë më vonë. Autoritetet kanë mbyllur restorantin ku ata dyshohet se konsumuan ushqimin, teksa hetimet po shqyrtojnë edhe mundësinë e ekspozimit ndaj pesticideve brenda hotelit ku qëndronin.
Dy turistë të tjerë nga i njëjti hotel janë shtruar në spital me simptoma të ngjashme. Policia ka arrestuar tre persona – një punonjës hoteli dhe dy punonjës të kontrollit të dëmtuesve – duke e çuar në shtatë numrin e të ndaluarve.
Vizitorët e hotelit janë transferuar në ambiente të tjera ndërsa hetimet vazhdojnë për të zbardhur burimin e saktë të helmimit.
About The Author
