Një 30-vjeçar është plagosur mbrëmjen e sotme me armë zjarri në periferi të Tiranës. Ngjarja ka ndodhur rreth orës 18:45, ku si pasojë e të shtënave me armë, është plagosur Elvis Visha, me banim në Tiranë.
I riu ka marrë një plagë në krah dhe është transportuar menjëherë në spital, ku aktualisht ndodhet nën kujdesin e mjekëve. Sipas burimeve zyrtare, 30-vjeçari është jashtë rrezikut për jetën.
Ende nuk janë të qarta shkaqet e ngjarjes dhe identiteti i autorit mbetet i panjohur. Policia ka nisur hetimet për identifikimin dhe kapjen e personit të dyshuar, si dhe për zbardhjen e plotë të rrethanave të incidentit.
Grupi hetimor po punon në terren, ndërsa uniformat blu po kryejnë shoqërime dhe verifikime në zonë për të siguruar prova apo dëshmi të mundshme.
About The Author
