SPAK mbyll hetimet dhe dërgon për gjykim vëllezërit Çopja, Talo Çelën dhe 31 të tjerë
Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet dhe ka dërguar për gjykim dosjen e një organizate kriminale të drejtuar nga vëllezërit Franc dhe Hajdar Çopja, së bashku me 31 të pandehur të tjerë.
Në listën e personave që do të përballen me drejtësinë përfshihet edhe Talo Çela, një emër i njohur i botës së krimit, si dhe ish-gjyqtarja Pajtime Fetah.
Sipas SPAK, dosja e procedimit penal nr. 75/9 është dërguar për gjykim në Gjykatën e Posaçme të Shkallës së Parë, ku të pandehurit akuzohen për një sërë veprash penale që lidhen me veprimtarinë e organizuar kriminale.
Lista e plotë e të pandehurve përfshin:
Franc Gergely alias Franc Çopja; Hajdar Bako alias Hajdar Çopja; Mikael Qosja (Kamami) alias (Stefo), (Stefa); Talo Çela; Altin Ndoci; Arzen Mama; Eljo (Ervis) Bitri; Maksim Koçi; Dashnor Dumani; Ado Xhika; Arzen Hysa Çopja; Xhimi Hoxha; Guri Biba; Leonardo Ramani; Ervis Daka; Flobenc Meçja alias Flobenc (Drini, Gega); Altin Kamami; Martin Musaj; Agustin Çinari; Arben Lamçja; Arjan Ormenaj; Dorian Dyli; Maklen Mici; Bashkim Lika; Klajdi Merkaj; Armis Stafa; Renato Musaku; Rexhino Doçi; Matilda Hoxholli; Pajtime Fetah; Denada Toda; Klodian Sinameta; dhe Leon Ramani.
SPAK njofton se hetimet kanë zbardhur strukturën, rolet dhe veprimet e secilit anëtar të grupit, ndërsa tashmë pritet që procesi të zhvillohet në Gjykatën e Posaçme.
About The Author
