Partia Socialiste rrëzoi në Komisionin për Politikën e Jashtme amendamentet e propozuara nga Partia Demokratike, të cilat synonin heqjen e emrit të kryeministrit Edi Rama nga projektligji për Bordin e Paqes.
Amendamentet e opozitës parashikonin që Shqipëria të përfaqësohej në këtë bord nga Presidenti i Republikës ose, me autorizimin e tij, nga kryeministri i vendit. Megjithatë, mazhoranca socialiste votoi kundër këtyre ndryshimeve, duke i hapur rrugë miratimit të versionit të propozuar nga qeveria.
Në përfundim të mbledhjes, Komisioni i Jashtëm miratoi projektligjin sipas variantit zyrtar të qeverisë, duke lënë në fuqi formulimin aktual që parashikon përfshirjen e kryeministrit Edi Rama në Bordin e Paqes.
Projektligji pritet të kalojë për shqyrtim dhe votim edhe në seancën plenare të Kuvendit.
About The Author
