Ps përgatitet për zgjedhjet në Tiranë – Rama ndan detyrat, Balluku drejton fushatën

Partia Socialiste ka zhvilluar një mbledhje organizative në funksion të fushatës për zgjedhjet e pjesshme vendore që do të mbahen më 9 nëntor, ku përfshihet edhe Bashkia Tiranë. Pas përfundimit të takimit, deputetë dhe ministra janë parë të buzëqeshur në ambientet e selisë, ndërsa janë ndarë detyrat dhe zonat ku secili do të angazhohet gjatë fushatës.

Në kryeqytet, PS do të garojë me Ogerta Manastirliun si kandidate për kryetare bashkie, ndërsa fushata do të drejtohet nga zëvendëskryeministrja Belinda Balluku, e cila është ngarkuar gjithashtu me drejtimin e fushatës në Bashkinë Mat.

Struktura e fushatës në Tiranë – kush mbulon çdo njësi administrative:

Nga mbledhja është vendosur një strukturë e detajuar ku figura të ohura të PS-së do të angazhohen në secilën njësi të Tiranës, si më poshtë:

Njësia Nr. 11 – Albana Koçiu, Erion Malaj, Rakip Suli

Njësia Nr. 2 – Olta Xhaçka, Arben Pellumbi, Blendi Klosi

Njësia Nr. 3 – Klotilda Bushka, Ermonela Felaj, Delina Ibrahimaj

Njësia Nr. 4 – Blerina Gjylameti, Eduard Shalsi

Njësia Nr. 5 – Erion Braçe, Taulant Balla, Niko Peleshi

Njësia Nr. 6 – Blendi Gonxhe, Ceno Klosi

Njësia Nr. 7 – Etilda Gjonaj, Iris Luarasi, Ulsi Manja

Njësia Nr. 8 – Igli Hasani, Milva Ekonomi, Bora Muzhaqi

Njësia Nr. 9 – Mimi Kodheli, Besfort Lamallari

Njësia Nr. 10 – Fatmir Xhafaj, Ermal Elezi

Njësia Nr. 13 (Farkë) – Anila Denaj, Sofjan Jaupaj
Zonat rurale (Dajt etj.) – Xhemal Qefalia, Ornaldo Rakipi

Në Njësinë 5, një ndër më të mëdhatë në Tiranë, krahas Erion Braçes janë shtuar edhe dy figura kyçe të PS-së: Taulant Balla dhe Niko Peleshi, në një përpjekje për të rritur angazhimin dhe koordinimin në këtë zonë.

Ndërkohë, ish-deputeti Xhemal Qefalia është ngarkuar me drejtimin e fushatës në zonën e Dajtit, e konsideruar si bastion i tij politik.

Mesazhi i Ramës

Kryeministri Edi Rama ka dhënë disa porosi të qarta për këtë fushatë, duke theksuar rëndësinë e organizimit, disiplinës dhe punës në terren. Burime pranë mbledhjes theksojnë se Rama ka kërkuar një rezultat edhe më të thellë se ai i vitit 2023 në Tiranë.

Fushata pritet të jetë intensive, ndërsa Partia Socialiste synon të mbajë kontrollin në bashkitë ku do të mbahen zgjedhjet e pjesshme më 9 nëntor.