Kim Kardashian zbulon: “Shpenzoj 1 milion dollarë në vit për bukurinë time”

Mbajtja e trupit, fytyrës dhe flokëve në formë perfekte nuk është aspak e lirë — veçanërisht kur bëhet fjalë për Kim Kardashian. Ylli 45-vjeçar ka pranuar publikisht se shpenzon rreth 1 milion dollarë në vit për të ruajtur pamjen e saj ikonike.

Në një intervistë për podcast-in “Call Her Daddy” të Alex Cooper, Kim tregoi se kjo shumë përfshin trajtime të avancuara estetike, shërbime profesionale për flokët, si dhe seanca të përditshme grimi. “Mund të jetë një milion… por sigurisht jo pesë milion,” – tha ajo me një buzëqeshje, duke shtuar me humor: “Këto flokë që shihni nuk janë të lirë.”

Kardashian zbuloi se flokët e saj të gjatë, të trashë dhe plot shkëlqim janë rezultat i extension-ve të vendosur drejtpërdrejt në bazën e flokëve natyralë, një proces që kërkon kujdes dhe mirëmbajtje të vazhdueshme.

Duke folur për faturën marramendëse që i kushton bukuria, Kim e përmblodhi me një frazë që po bën xhiron e rrjeteve:

“Thjesht po ruaj Bentley-n tim.”

Vaniteti ka çmimin e vet — dhe për Kim Kardashian, ai shkon deri në shtatë shifra në vit.