Katy Perry dhe Justin Trudeau “kapen mat” në jaht — spekulime për një romancë të re në horizont
Këngëtarja e njohur amerikane Katy Perry dhe ish-kryeministri kanadez Justin Trudeau kanë ndezur rrjetet sociale pas publikimit të disa fotove ku shfaqen shumë pranë njëri-tjetrit gjatë një udhëtimi me jaht në Santa Barbara të Kalifornisë.
Pamjet, të publikuara nga People dhe media të tjera ndërkombëtare, tregojnë Perry dhe Trudeau duke biseduar ngrohtë dhe përqafuar, gjë që ka mjaftuar për të ndezur thashethemet për një romancë të mundshme mes tyre.
Sipas mediave rozë, kjo nuk është hera e parë që dyshen i shohin bashkë — më herët, ata janë fotografuar në një darkë private në Montreal, gjatë korrikut të këtij viti.
Të dy ndodhen aktualisht në periudha të ndryshme të jetës së tyre: Katy Perry është ndarë nga aktori Orlando Bloom pak muaj më parë, ndërsa Justin Trudeau është beqar që nga ndarja me bashkëshorten Sophie Grégoire Trudeau në vitin 2023.
As Perry dhe as Trudeau nuk kanë bërë ndonjë koment publik mbi natyrën e marrëdhënies së tyre, por burime pranë këngëtares kanë thënë për mediat ndërkombëtare se mes tyre “ka kimi dhe respekt të ndërsjellë”.
Për momentin, mbetet për t’u parë nëse kjo miqësi do të kthehet në historinë më të re të dashurisë në botën e yjeve.
About The Author
