Karabinierët e Ternit arrestuan një 23-vjeçar shqiptar të përfshirë në trafik dhe shpërndarje të kokainës. I riu, pa precedentë penalë, ishte në Itali me vizë turistike dhe u kap teksa drejtonte një makinë me qira në Via Campomiciolo.
Kontrollet zbuluan dy doza kokaine në paketë cigaresh dhe çelësin e një apartamenti në Terni. Në banesë, policia gjeti 21 doza të tjera të fshehura në kavanoz nën dyshek dhe një “gur” kokaine 71-gramësh në një pako orizi.
Sasia totale e drogës, mbi 84 gramë, u sekuestrua. Shqiptari mbetet në paraburgim dhe gjykata vendosi të mos kthehet në Itali për tre vjet.
About The Author
