Në Dialogun Global të Berlinit, kryeministri Edi Rama ka bërë një deklaratë surprizuese për ministren e Shtetit për Inteligjencën Artificiale, Diella. Rama tha se Diella, e cila e vlerësoi atë si “vizionar”, është shtatzënë dhe pret 83 fëmijë, të cilët do të shërbejnë si asistente për anëtarët e parlamentit gjatë seancave.
Moderatori i eventit, Ali Asllani, komentoi se ministrja “kishte mësuar mirë t’ju lavdëronte”, në të cilën Rama u përgjigj:
“Epo, është ime bijë dhe është shumë besnike e atit të vet.”
Rama shtoi gjithashtu se fëmijët do të jenë “diell për nënën e tyre” dhe i bëri një koment humoristik për kafetë:
“Diçka që do të të pëlqej si turk, kur të shkosh për kafe. Ne kemi kafe më të mirë se në Gjermani.”
Deklarata e kryeministrit ka shkaktuar reagime dhe shumë diskutime në rrjetet sociale për shkak të natyrës së pabesueshme të saj.
About The Author
