Bota e futbollit në zi, ndërron jetë legjenda e Milanit Bruno Baveni
Bota e futbollit është në zi. Bruno Baveni, ish-mesfushor i njohur dhe trajner me një karrierë të gjatë, ka ndërruar jetë në moshën 85-vjeçare.
Baveni është pjesë e historisë së futbollit italian, teksa u shpall kampion i Italisë me Milanin në sezonin 1967/68, duke lënë gjurmë të rëndësishme me fanellën kuqezi. Pas përfundimit të karrierës si futbollist, ai vijoi kontributin e tij në futboll edhe si trajner.
Klubi i Milanit ka reaguar me një mesazh ngushëllimi në faqen zyrtare, duke nderuar figurën e ish-lojtarit:
“Kampion i Italisë me kuqezinjtë në sezonin 1967/68, Bruno Baveni na ka lënë. Mendimet tona shkojnë me familjen dhe të dashurit e tij. Mirupafshim Bruno”, shkruhet në postimin e klubit.
Largimi i Bruno Bavenit lë një boshllëk të madh në futbollin italian, ndërsa ai do të kujtohet si një figurë e respektuar brenda dhe jashtë fushës.
About The Author
