Arrestoher Federica Migherini/Policia belge bastis zyra diplomatike të BE-së dhe Kolegjit të Evropës për dyshim mashtrimi
Policia belge ka bastisur sot mëngjesin zyrat e Shërbimit Evropian për Veprim të Jashtëm (EEAS) në Bruksel dhe ndërtesat e Kolegjit të Evropës në Bryzh, si pjesë e një hetimi për dyshim mashtrimi në lidhje me financimin e zyrtarëve të nivelit të ulët. Si rezultat, tre zyrtarë të lartë janë arrestuar, përfshirë ish-shefen e diplomacisë së BE-së, Federica Mogherini.
Hetimi ka nisur mbi dyshimet për vendimin e vitit 2021-2022 të EEAS për dhënien e Akademisë Diplomatike të Bashkimit Evropian Kolegjit të Evropës. Mogherini, ish-diplomate italiane dhe rektore e kolegjit që nga shtatori 2020, ishte emëruar gjithashtu drejtoreshë e akademisë diplomatike në gusht 2022.
Kontrollet e policisë u zhvilluan në disa ndërtesa të EEAS në zemër të lagjes së BE-së në Bruksel, në ndërtesa të Kolegjit të Evropës dhe në banesat e të dyshuarve, sipas deklaratës së Zyrës së Prokurorit Publik Evropian (EPPO). Hetimi po mbështetet nga Zyra Evropiane Kundër Mashtrimit.
EPPO njoftoi se, para bastisjeve, ishte kërkuar dhe marrë heqja e imunitetit të disa të dyshuarve. Sipas EPPO, hetimi përqendrohet në pyetjen nëse Kolegji i Evropës ose përfaqësuesit e tij ishin njoftuar paraprakisht për tenderin e EEAS për krijimin e akademisë diplomatike para publikimit zyrtar.
“Ekzistojnë dyshime të forta se gjatë procesit të tenderimit është shkelur neni 169 i Rregullores Financiare, duke ndarë informacion konfidencial me një nga kandidatët e tenderit,” tha EPPO.
Hetimi vlerëson gjithashtu nëse ka pasur mashtrim në prokurim, korrupsion, konflikt interesi dhe shkelje të sekretit profesional. Hetimi vazhdon për të sqaruar faktet dhe për të përcaktuar nëse janë kryer vepra penale.
EEAS aktualisht drejtohet nga ish-kryeministrja estoneze Kaja Kallas, ndërsa zëdhënësi i Komisionit Evropian konfirmoi bastisjen, pa dhënë detaje mbi arrestimet.
About The Author
