Një aksident me pasojë vdekjen ka ndodhur pasditen e sotme në rrugën Korçë–Kapshticë, në afërsi të fshatit Dishnicë.
Sipas informacioneve të siguruara nga gazetarja e Klan News, Daniela Zisi, ngjarja ka ndodhur pranë një pike karburanti, ku një automjet është përplasur me një motor. Për pasojë, drejtuesi i motorit ka ndërruar jetë në vendngjarje.
Në vendin e ngjarjes ndodhen forcat e policisë, të cilat kanë rrethuar zonën dhe po kryejnë veprimet hetimore për të sqaruar rrethanat e aksidentit dhe për të përcaktuar shkakun e përplasjes fatale.
Trupi i viktimës është transportuar në Morgun e Spitalit Rajonal të Korçës, ndërsa hetimet për ngjarjen vijojnë nën drejtimin e Prokurorisë së Korçës.
About The Author
