Një zë i ri shqiptar në botën e Inteligjencës Artificiale – Ideja Bajra futet në listën AI 100 UK 2025
Ideja Bajra është nominuar për një nga çmimet më prestigjioze ndërkombëtare në fushën e Inteligjencës Artificiale – AI 100 UK 2025.
Ajo është shqiptarja e vetme nga Mbretëria e Bashkuar dhe më e reja në moshë që është nominuar ndonjëherë për këtë listë të rëndësishme.
E diplomuar së fundmi në Universitetin e St Andrews në Biologji Qelizore, Ideja ka ndërtuar një profil unik në ndërthurjen mes shkencës, edukimit dhe teknologjisë.
Gjatë studimeve, ajo u bë studentja e parë në historinë e departamentit të saj që projektoi dhe udhëhoqi një projekt të pavarur kërkimor mbi edukimin në Inteligjencën Artificiale. Ky projekt kulmoi me krijimin e Kornizës LIRA – një mjet inovativ i fuqizuar nga AI që synon të lidhë biologjinë me karrierën, aktualisht në proces rishikimi shkencor për publikim ndërkombëtar.
Përveç kërkimit akademik, Ideja është bashkëthemeluese e STATIC, shoqatës me rritjen më të shpejtë për shkrime STEM në universitet, si dhe ish-drejtore e Based in Science (BIS) – platformës së parë të mentorimit virtual STEM në Kosovë. Për punën e saj në BIS, ajo ka marrë vlerësim nga Kryeministri i Kosovës.
About The Author
