Ogerta Manastirliu sfidohet nga kandidatë të rinj dhe të papritur për Tiranën!

Garës për krytarin e bashkisë Tiranë i është baahkuar sot dhe aktori Florjan Binaj, pas prezantimit të Ogerta Manastirliut nga Kryeministri Edi Rama.

Pas disa vitesh në poste ministrore (Shëndetësi, Mbrojtje Sociale dhe së fundmi Arsim), Manastirliu shihet si një nga figurat më të qëndrueshme të kabinetit Rama. Ajo ka punuar më herët edhe në Bashkinë e Tiranës dhe njihet për qasjen e saj menaxheriale dhe të moderuar.

Opozita në kërkim të një figure të përbashkët

Në anën tjetër të spektrit politik, opozita po përpiqet të gjejë një figurë që mund të bashkojë energjitë e ndara të kampit kundërshtar.

Ermal Hasimja, pedagog dhe analist i njohur, ka shpallur publikisht kandidaturën e tij, duke kërkuar që të përfaqësojë opozitën e bashkuar si kandidat i pavarur. Ai njihet për profilin intelektual dhe për qasjen kritike ndaj politikës tradicionale.

Një tjetër emër që po qarkullon është Florian Haçkaj, me përvojë në sektorin privat dhe projekte ndërkombëtare. Ai përfaqëson figurën e profesionistit nga diaspora që kërkon të sjellë në Tiranë një frymë të re qeverisjeje.

Ndërkohë, aktivistja Edlira Çepani përmendet si kandidate e mundshme nga shoqëria civile, ndërsa Florian Binaj, aktor dhe moderator i njohur, ka surprizuar publikun duke shpallur kandidaturën si i pavarur. Ai synon të tërheqë votuesit e rinj dhe të zhgënjyer nga politika.