Një ngjarje e rëndë ka tronditur Sarandën mbrëmjen e së shtunës, ku një 58-vjeçar humbi jetën pas një shpërthimi të fuqishëm me tritol në automjetin e tij. Ngjarja ndodhi rreth orës 22:50 në lagjen nr. 3, duke shkaktuar panik mes banorëve dhe dëme të mëdha materiale në biznese e makina pranë.
Policia bën me dije se lënda eksplozive ishte vendosur në mjetin tip “Toyota”, në pronësi të viktimës I.J, i cili ka gjetur vdekjen e menjëhershme. Burime nga hetimet thonë se ai kishte precedent penalë dhe ishte babai i një 31-vjeçari aktualisht në burg për përkrahje të autorit të një plagosjeje të ndodhur në korrik.
Kjo ngjarje e fundit lidhet me një seri atentatesh që kanë tronditur qytetin bregdetar këtë verë. Policia po heton pistat e hakmarrjes dhe prishjeve të pazareve kriminale, ndërsa Saranda duket se po shndërrohet në arenë të përgjakshme të larjes së hesapeve mes grupevep rivale.
About The Author
