Alis fiton Festivalin e Këngës 64 dhe përfaqëson Shqipërinë në Eurovision 2026
Alis u shpall fitues i edicionit të 64-t të Festivalit të Këngës me këngën “Nan”, duke siguruar kështu të drejtën për të përfaqësuar Shqipërinë në Eurovision Song Contest 2026.
Fitorja u vendos përmes kombinimit të votave të jurisë profesioniste dhe votimit me SMS nga Shqipëria dhe Kosova. Kënga e Alis mori gjithashtu mbështetje të gjerë edhe nga publiku, duke u renditur e para në sondazhin e Anabel, ku u votua nga mbi 700 ndjekës.
Në vendin e dytë u rendit Inis Neziri me këngën “Ta kam fal”, ndërsa podiumi u plotësua nga Sheila me “Zemra e tokës”.
Vendi i katërt shkoi për duetin Fifi & Tiri Gjoci me këngën “Rri”, ndërsa Vedat Ademi me “Kur fjala mbaron” mbylli top 5-shen e këtij edicioni.
Eurovision Song Contest 2026 do të zhvillohet në Vjenë, Austri, pas fitores së JJ me këngën “Wasted Love” në edicionin e kaluar. Datat zyrtare të konkursit janë 12, 14 dhe 17 maj 2026.
Me “Nan”, Alis pritet të sjellë një përfaqësim të veçantë të Shqipërisë në skenën evropiane të muzikës.
About The Author
