Shpërthim në banesën e reperit Shqiptar, Azet: “Nuk kam qenë objektiv i atentatit”
Reperi i njohur me origjinë nga Kosova, Azet, ka reaguar pas lajmeve të mediave gjermane që raportuan për një shpërthim të dyshimtë në hyrje të një pallati apartamentesh në Düsseldorf, i cili figuron në pronësi të tij.
Shpërthimi ngriti shqetësime të menjëhershme tek fansat dhe publiku, duke bërë që shumë të mendonin se reperi mund të ishte objektiv i ngjarjes. Mirëpo, Azet vendosi t’i japë fund spekulimeve përmes një deklarate të qartë në Instagram.
Në reagimin e tij, ai sqaroi se nuk ka pasur asnjë atentat ndaj tij dhe se ngjarja nuk lidhet aspak me të personalisht:
“Nuk ka pasur asnjë atentat ndaj meje. Unë kam disa prona, përkatësisht banesa kolektive. I prekur ka qenë një nga këto objekte – unë vetë nuk banoj aty. Ngjarja nuk ka lidhje me mua.”
Azet gjithashtu bëri të ditur se apartamenti ku ndodhi shpërthimi është vetëm një nga pronat e tij dhe nuk përbën vendbanimin e tij.
Autoritetet lokale po vijojnë hetimet për rrethanat e shpërthimit, ndërsa reperi u shpreh i qetë se nuk është i rrezikuar personalisht.
About The Author
