Në Kosovë ka nisur sot procesi i votimit për raundin e dytë të zgjedhjeve lokale, ku mbi 1 milion e 316 mijë qytetarë kanë të drejtë vote për të zgjedhur kryetarët e 18 komunave.
Sipas të dhënave të fundit nga Komisioni Qendror i Zgjedhjeve (KQZ), deri në orën 14:45 kanë votuar mbi 21 për qind e qytetarëve me të drejtë vote.
Komuna me pjesëmarrjen më të ulët deri në këtë orë është ajo e Rahovecit, ku kanë votuar vetëm 8.63 për qind e votuesve.
Kryetari i KQZ-së, Kreshnik Radoniçi, tha se pjesëmarrja është më e ulët krahasuar me të njëjtën periudhë kohore gjatë raundit të parë të zgjedhjeve lokale të mbajtura më 12 tetor.
Partitë politike u kanë bërë thirrje qytetarëve që të dalin dhe të ushtrojnë të drejtën e tyre për të votuar dhe për të zgjedhur drejtuesit e komunave ku jetojnë.
Kujtojmë se raundi i dytë i zgjedhjeve po mbahet në komunat ku asnjë kandidat nuk arriti shumicën absolute të votave në raundin e parë.
About The Author
