Një incident është shënuar sot në zonën e Mjull Bathores, përgjatë Unazës së Madhe, ku një kamion ka humbur pjesë të ngarkesës me çakull gjatë lëvizjes në rrugë.
Ngjarja ka shkaktuar trafik të rënduar të mjeteve në zonë, pasi rruga u mbulua me materialet e derdhura, duke vështirësuar qarkullimin.
Menjëherë pas sinjalizimit, forcat e policisë kanë mbërritur në vendngjarje, duke menaxhuar trafikun dhe duke punuar për pastrimin e rrugës për të rikthyer qarkullimin normal.
Fatmirësisht, nuk raportohet për persona të lënduar, ndërsa pritet të sqarohet shkaku i derdhjes së ngarkesës nga kamioni.
About The Author
