PS shpall kandidatët për zgjedhjet e pjesshme të 9 nëntorit — PD mbështet kandidatë të pavarur në pesë bashki
Partia Socialiste ka zyrtarizuar kandidatët e saj për zgjedhjet e pjesshme vendore që do të mbahen më 9 nëntor në pesë bashki të vendit: Vlorë, Berat, Cërrik, Mat dhe Tepelenë.
Nga ana tjetër, Partia Demokratike ka njoftuar se do të mbështesë kandidatura të pavarura, pa marrë pjesë me logon e saj zyrtare në fletën e votimit.
Këto zgjedhje shihen si një test politik për të matur forcën elektorale të mazhorancës dhe opozitës në prag të zgjedhjeve të përgjithshme të vitit 2027.
Bashkia Vlorë
- Partia Socialiste: Brunilda Mersini – ish-deputete e PS, që la mandatin për t’u përfshirë në garën lokale.
- Mbështetur nga PD: Dionis Sota – kandidat i pavarur, i përkrahur nga opozita.
Bashkia Berat
- Partia Socialiste: Ervin Ceca
- Mbështetur nga PD: Pavlo Shkarpa – kandidat i pavarur, i përzgjedhur nga opozita për të përfaqësuar alternativën kundër mazhorancës.
Bashkia Cërrik
- Partia Socialiste: Florenc Doka
- Mbështetur nga PD: Amarildo Hoxha – kandidat i pavarur.
- Të tjerë: Eligert Hima – garon nën siglën e partisë “Lëvizja Shqipëria Bëhet”.
Bashkia Mat
- Partia Socialiste: Altin Bojni
- Mbështetur nga PD: Eduart Brahilika – kandidat i pavarur.
- Të pavarur: Suzana Pasha – kryetare e Gruas së PS, që ka shpallur kandidaturën e saj si e pavarur, duke hyrë në garë me strukturat e partisë që drejton.
Bashkia Tepelenë
- Partia Socialiste: Gramoz Sako
- Mbështetur nga PD: Gabriel Guma – kandidat i pavarur, i mbështetur nga opozita.
Zgjedhjet e 9 nëntorit pritet të zhvillohen në një klimë politike të ngarkuar, ku vëmendja do të përqendrohet tek performanca e kandidatëve të pavarur dhe tek mbështetja reale që partitë e mëdha arrijnë të sigurojnë në terren.
About The Author
