Reperi i njohur amerikan, Eminem, duket se ka gjetur dashurinë pranë stilistes së tij me origjinë shqiptare, Katrina Malota.
Sipas raportimeve të TMZ, lidhja mes reperit të hitit “Lose Yourself” dhe grimeres me bazë në Michigan është bërë romantike, megjithëse nuk dihet saktësisht sa kohë janë bashkë.
Për vite me radhë, Malota ka punuar përkrah Eminemit në projekte të ndryshme, përfshirë xhirimet e videoklipeve muzikore dhe paraqitje të tjera publike. Burime pranë çiftit bëjnë të ditur se marrëdhënia e tyre është zhvilluar natyrshëm nga një bashkëpunim i gjatë profesional.
As reperi dhe as stilistja nuk kanë reaguar ende publikisht për lajmin, por fansat e artistit kanë shpërndarë me entuziazëm thashethemet në rrjetet sociale.
About The Author
